5 Wenke om die Vakansiegewig af te Hou
Daar is ‘n cliché dat die gemiddelde persoon 5kg tydens die vakansieseisoen optel. Alhoewel daardie presiese getal dalk nie heeltemal akkuraat is nie, is dit volgens navorsing steeds algemeen dat mense ‘n paar ekstra kilogramme optel danksy al daardie groot maaltye, smaaklike lekkernye en alkoholiese drankies. Gelukkig vir jou, is ons hier om 5 belaglik maklike reëls te deel om jou te help om ekstra gewig af te hou oor die vakansie.
Ongelukkig raak sommige mense so bang om gewig op te tel dat hulle hulself al die pret en plesier ontsê. Hierdie benadering is gebrekkig, want dit is “alles of niks” – óf hulle prop hulself vol en plak die kilogramme aan, óf hulle eet niks en voel ellendig. Nog erger, as hulle uiteindelik ‘n groot maaltyd eet, word hulle die volgende dag wakker en voel hulle sleg en dan “straf” hulle hulself met intense oefensessies.
Hier is 5 praktiese wenke wat jy hierdie vakansie kan gebruik:
1. Verdien jou lekkernye
Vakansie sal net nie vakansie wees sonder heerlike pasteie, koekies, koeke en meer nie. Gelukkig hoef jy nie jouself heeltemal te weerhou van enige plesier nie. In plaas daarvan beveel kan jy jou lekkernye met oefening “verdien”.
Byvoorbeeld, as jy ‘n goeie oefensessie gedoen het, dan het jy daardie sny Peppermint Crisp-tert verdien waarna jy so lank gesmag het. Maar as jy ‘n paar oefensessies gemis het en die hele dag op die rusbank deurgebring het, dan moet jy waarskynlik daardie stukkie tert wegbêre.
Deur te oefen voordat jy aan ‘n lekkerny smul, voorkom jy ongewenste gewigstoename en verhoog jy eintlik jou kans dat daardie kalorieë in spiere verander. Om ‘n fantastiese oefensessie te doen, verbrand baie gestoorde energie (in die vorm van glikogeen) en skep ‘n groot energievraag aangesien jou liggaam smag na voedingstowwe, koolhidrate, proteïene, ens.
2. Volg die 80/20-reël
Baie mense trap die dag ná Kersfees op die skaal om te sien hulle het ‘n paar kilogramme opgetel, maar laat ons beklemtoon dat dit onmoontlik is om soveel vet op een dag op te tel. Dis waarskynlik watergewig (en ander goed). Binne ‘n paar dae sal jy ‘n meer akkurate lesing sien.
Eerder as om bekommerd te wees oor ‘n handvol maaltye wat jy gedurende die vakansieseisoen sal eet, fokus daarop om 80% van die tyd gesond en skoon te eet — eet maer proteïene, baie groente, goeie koolhidrate en gesonde vette en vermy verwerkte gemorskos.
As jy dit doen, kan jy die oorblywende 20% van die tyd ‘n bietjie buite die riglyne van die plan eet sonder om jouself te veel te straf.
3. Staan by jou eie ‘nie-onderhandelbare’ reëls
Maak reëls en stel perke wat vir jóú werk en bly daarby. Stel ‘n paar van hierdie ‘nie-onderhandelbare reëls’ vir die meeste dae van jou lewe, ongeag die maand of vakansieseisoen, sodat jou liggaam in staat is om natuurlik op ‘n gemaklike gewig te bly terwyl jy ook so af en toe aan iets lekker smul.
Jou gewig moet nooit drasties fluktueer nie. Dit is heeltemal aanvaarbaar dat dit binne ongeveer 5 kilogram op of af beweeg.
4. Beweeg elke liewe dag
Daaglikse beweging is nog ‘n faktor in die voorkoming van vakansie gewigstoename. Of jy op ‘n vinnige fietsrit, ‘n kort stap of draf, of selfs ‘n joga-klas gaan; doen net ‘n aktiwiteit eerder as om rond te sit.
Deur ‘n gesonde gewoonte te kweek om elke dag aktief te bly, laat die handhawing van algehele welstand natuurliker voel. Dit is dan ook meer waarskynlik dat jy sal voortgaan om ‘n gewenste gewig te handhaaf.
Wees baie bedag, veral gedurende die kos- en partytjie-gevulde seisoen wat saam met die vakansie kom.
5. Hê ‘n plan van aksie
As jy verseker wil wees dat die onvermydelik vakansie gewigstoename jou nie gaan onderkry nie, is dit belangrik dat jy ‘n PLAN hê om van die gewig ontslae te raak sodra die vakansieseisoen verby is.
Klik hier om na ons produkreeks te kyk om die beste plan van aksie vir JOU bymekaar te stel.