Wat is Liggaamsmassa-Indeks en hoekom is dit belangrik?
LMI assesseer hoe normaal ‘n persoon se liggaamsgewig is gebaseer op die verwagting vir daardie persoon se lengte. Die Liggaamsmassa-Indeks (LMI), of die Body Mass Index (BMI) soos wat dit in Engels bekend staan, is ‘n poging om die aantal weefsel massa (spier, vet en been) in ‘n individu te kwantifiseer en dan daardie persoon te kategoriseer as ondergewig, normale gewig, oorgewig of vetsugtig, gebaseer op daardie berekende waarde.
Ongeag die gewilde gebruik van die Liggaamsmassa-Indeks as maatstaf vir gesonde gewig, is daar ook ‘n paar beperekinge van die formule.LMI verskaf ‘n eenvoudige numeriese maatstaf van hoe vet of maer ‘n persoon is, wat dit makliker maak vir gesondheidspraktisyne om gewigsprobleme meer objektief met hul pasiente te bespreek. LMI was ontwerp as ‘n maklike manier om gemiddelde sedentêre (fisies onaktiewe) populasies met gemiddelde liggaamsamestellings te klassifiseer.
Die formule om LMI te bereken is as volg:
LMI = Gewig in kg / Lengte in m2
‘n Gereelde gebruik van die LMI is om te assesseer hoe normaal ‘n persoon se liggaamsgewig is gebaseer op die verwagting vir daardie persoon se lengte. Volgens die aanbevelings van die Wêreldgesondheidsorganisasie (WGO) is ‘n gesonde LMI tussen 18.5 en 25.- ‘n LMI van minder as 18.5 is geklassifiseer as ondergewig en mag ‘n aanduiding wees van ‘n moontlike eetversteuring, wanvoeding of ander mediese probleme.
- ‘n LMI van 25 of meer word geklassifiseer as oorgewig, terwyl ‘n lesing van 30 of meer geklassifiseer word as vetsugtig.