8 Dinge om te doen voor die nuwe jaar

Die jaar is amper verby en ons is amper gereed om finaal van 2019 afskeid te neem. Alhoewel dit ‘n algemene gebruik is om tot Januarie te wag om enige groot veranderinge aan te wend, sal ‘n paar klein prestasies vooraf jou help om hierdie jaar op ‘n positiewe noot af te sluit. Hier is 8 idees om aan die gang te kom.

1. Besoek die dokter

As jy die tipe persoon is wat goeie algemene gesondheid het, is die kanse groot dat jy lanklaas ‘n besoek aan die dokter afgelê het. Onthou dat dit belangrik is om een keer per jaar vir ‘n algemene ondersoek te gaan, veral as jy ouer as 40 is en familiegeskiedenis van sekere mediese toestande het. Gesondheidsprobleme het ‘n manier om u in te sluip selfs as jy steeds goed voel. Jy kan dan ook die geleentheid gebruik vir die dokter om jou die groen lig te gee om Die 28 Dae Eetplan aan te dur

2. Maak jou epos-inboks skoon

Volg onbeantwoorde eposse op, vee verstrykde boodskappe uit en organiseer andersins jou epos-leêrs om die lewe vir jouself ‘n bietjie makliker te maak wanneer die nuwe jaar begin.

Dalk ontdek jy ‘n verlore epos uit ons epos reeks van wenke en inligting oor die plan en algemene gesondheid.

3. Stel korttermyn nuwejaarsdoelwitte

Let op dat ons nie die woord “nuwejaarsvoornemens” gebruik het nie. Die rede hiervoor is omdat hierdie tipe voornemens tyd mors omdat ons te groot dink as ons dit saamstel.

Dink eerder aan kleiner, redelik haalbare doelwitte waarop jy in die nuwe jaar kan konsentreer. ‘n Goeie voorbeeld is om Die 28 Dae Dieet op te breek in haalbare dele van een week, en te begin deur slegs te fokus op die eerste 7 dae.

Jy sal meer sukses sal behaal met die bereiking van kleiner doelwitte as die verhewe nuwejaarsvoornemens wat jy in die verlede gemaak het.

4. Herorganiseer jou yskas

Behalwe vir die vervalde tamatiesous en die bedorwe konfyt, kan jy ook jou yskas herorganiseer om ontslae te raak van al die ongesonde kosse en geprosesseerde peuselhappies.

Maak seker dat jy jou yskas vul met vars groente, vrugte en al die gesonde voedsel wat ons op Die 28 Dae Eetplan onderskryf, om sodoende 2020 binne te gaan met ‘n nuwe perspektief.

5. Neem ‘n spontane besluit

Moenie bekommerd wees oor “wat as?” nie. Neem ‘n besluit in die oomblik sonder om te veel daaroor te tob. Beweeg buite jou gemaksone en doen iets wat jy nooit gedink het jy kan nie, maar altyd wou doen.

Jy hoef nie jou lewenslange vrees vir hoogte te oorkom deur ‘n avontuur van rekspring aan te pak nie, maar jy kan wel kleiner dingetjies aanpak soos om te begin om die boek te skryf wat jy nog altyd wou; of te vra vir die bevordering wat jy weet jy verdien; om klein veranderinge in jou leefstyl te maak om gesonder te leef; of selfs uiteindelik jou haarkleur te verander.

6. Geniet jou vakansiekos in matigheid

Ongeag hoe toegewyd jy aan jou dieet is nie, wil jy nie die hele seisoen deurmaak sonder om ten minste van jou gunsteling vakansiekos te geniet nie.

Die sleutel is balans: Eet ‘n klein porsie van jou gunsteling gereg en vermy die kossoorte wat jy nie regtig liefhet nie, maar eet uit verveeldheid.

Nog ‘n maklike manier om balans te vind is om die helfte van jou bord met groente of slaai te vul – die vesel sal jou vol hou en keer dat jy in ‘n “sugar crash” beland – en die ander helfte te vul met jou gunsteling gereg soos heerlike lamsboud.

7. Besin oor foute uit die verlede

Reflekteer oor die dinge wat jy die afgelope jaar anders kon of sou gedoen het. Ontdek wat jy uit elke fout kan leer en vergewe jouself heeltemal.

Sê totsiens vir die ou jy en maak gereed vir die nuwe jy. Maak 2020 jou beste jaar.

8. Vier jou prestasies

Klop jouself op die skouer oor alles wat jy in 2019 bereik het. Al is dit ‘n klein verowering, is dit belangrik om jou prestasies te erken en dit te vier.

Read this article in English